Rangvamuala leimin ṭhin sawiho

Minister of state for PWD, Lal Thanzara hoin nimin khan sorkar mi pawimawhte'n CMO conference hall-ah national highway hnawh ping ṭhintu Rangvamuala leimin ṭhin leh harsatna sutkian dan tur an sawiho.

Lal Thanzara chuan, Rangvamuala kawngpui chhaka leimin ṭhinah leivung thenfai leh kopang min tur tihziaawm nan sum indaih lohna karah pawh kut thlak thuai a ngaih thu a sawi a; kawng siamṭhat hna hi kumin February thla chawhma ngeia ṭan a nih theih nan PWD (National Highway) hotu te, DM&R hotute leh Geology & Mineral Resources department hotute chu inráwn khawm tur leh, an hmalaknate kar khat hnua amah hriattir leh turin a hrilh a ni.

Meeting-ah hian PHE secretary Lianchung­nung­a, Aizawl DC Dr Franklin Laltin­khuma, G&MR director Dr H Lall­enmawia leh PWD engineer-in-chief Vanlal­tluanga-te pawh an tel.