Data leh statistics rintlak neih dan tur sawiho

Planning department leh Economics & Statistics department hotute chuan Ningani khan Planning secretary Dr C Vanlalramsanga hoin Mizoramin data leh statistics rintlak leh felfai a neih thei dan tur an rel.

Meeting-ah hian data leh statistics dik leh rintlak a awm theihna tura thil pawimawh hrang hrang nia an hriatte an sawiho a; an rawtnate chu Mizoram sorkarin a lo hmuh atan a changtu minister hnenah an thehluh dawn a ni.

Meeting-a an thurelte:

Data framework mumal leh huam kim tak duan a, department hrang hrangte'n data leh statistics dik leh fel tak hunbi dik taka an pek luh theihna tur duan.

Data leh statistics lut khawm mumal tak leh hmatlaka siam tura systematic taka rem khawm dan tur ruahman leh, chumi atana department structure leh thawktu siam rem ngai awm atana rawtna siam.

Data leh statistics-te chu a hmangtu tur dik takte'n a ṭulna leh ṭul hun taka an hmuh theihna tura data leh statistics dissemination standard duan.

Statistics danglam bik, Central lama guideline/criteria siam hrang hrang awm vanga data hrang hrang neih (entirnan BPL) ang chi atan guideline zâwm chunga data pakhat siam tura hmalak a nih theih nana phalna lak.