Phaia thawk tur ṭhalaite thlah

Nimin khan Labour Employmen & Industrial Training department hnuai­a Industrial Training Institute, Aizawla zirlai mi 20, Gurgaon-a Denso Haryana Pvt. Ltd.-a thawk turte thlahna inkhawm, ITI Aizawlah neih a ni a; LE&IT minister Lalrinmawia Ralte-in a hmanpui.

Lalrinmawia Ralte chuan, khawi hmunah pawh awm ila, ze nghet tak neih a, insûm theihna leh rinawmna vawn nun reng a pawimawh thu a sawi a; Mizo ṭhalai phaia kal tam tak zúa buai an awm ṭhin chu pawi a tih thu sawiin, "Nunphung hloh an awm ṭhin hian hnam leh Mizo hmel a tichhe ṭhin a, hnam dang­te an insûm theih chuan an tih ang chu a tih ve theih a ni," a ti.