Kohhrana thawk leh missionary zat tlahniam

Kum 2013-14 chhunga Mizoram chhunga kohhran hrang hrang pakuaa thawk leh kohhran pakuain missionary an tirh chhuah zat chu kum 2012-13 aiin an tlem zawk.

Statistical Handbook, 2014 tihchhuah thara tarlan danin, kum 2013-14 chhung khan kohhran hrang hrangah missionary tel loin thawktu mi 4,984 an awm a; thawktu tamna ber Presbyterian Kohhranah mi 2,283 an thawk a ni. Kohhrana thawk zinga mi 2,178 chu a ngheta thawk an ni a, mi 2,806 chu a nghet loa thawk an ni thung. Kum 2012-13 ah chuan kohhran pakuaah hian mi 5,584 an thawk.

Kohhran pakuate chuan kum 2012-13 ah misisionary 3,127 an tir chhuak a, kum 2013-14 chhunga missionary chhuak mek zat erawh mi 2,985 an ni.