Golgotha Camping Centre sawn chhuah duh

Vairengte IOC Veng khawtlang hruaitute chuan an veng chhunga awm Golgotha Camping Centre chu an veng tana ṭha lo an tih avangin sawn chhuah an duh.

Vairengte IOC Veng khawtlang hruaitute hian July 16, Thawhlehni khan Home minister K Sapdanga a pisaah an kâwm a, Golgotha Camping Centre chu sawn chhuahsak turin an ngen. Home Minister chuan Home department leh police hotute a lo sawipui tur thuin a chháng.

Vairengte IOC Veng khawtlang hruaitute sawi danin, Golgotha Camping Centre-ah hian pawi khawih ṭhin leh natna chi hrang hrang neite dah ṭhin a ni. Inkhuahkhirhna a ṭha lo a, IOC Veng chhung leh huan lo ramahte duh duhin an teihawi ṭhin avangin hmeichhia leh naupangte tan a him loah an ngai a ni.

Sorkar laipuia Ministry of Education chuan July 15, 2024 khan National Institute of Electronics and Information Technology (NIELIT) chu zirna sang zawk kalpui thei turin deemed university-ah a hlangkai. NIELIT Deemed University hnuaiah hian NIELIT, Aizawl leh NIELIT, Ropar (Punjab) bakah centre 10 dang an awm dawn a ni.

Thu dawn danin, NIELIT, Aizawlah hian course hrang hrang - MCA, MSc. (Electronics), BCA, 3 years diploma (computer leh electronics) leh course dangte kalpui a ni mek. Deemed university hnuaiah an awm tawh dawn avangin B.Tech, M.Tech leh Ph.D thleng zirna kalpui thuai tum a ni a; NIELIT, Aizawl hnuaiah hian ST/SC zirlaite zir man chu sorkar laipuiin a tum sak vek a ni.