Taxation Dept.-in thla 3 chhungin chhiah cheng nuai 3,270.39 hmu

Taxation department chuan sorkar sum kum 2024-25 kal mekah thla thum chhungin chhiah cheng nuai 3,270.39 an hmu tawh a; kum hmasa thla thum chhunga hmuh aiin cheng nuai 1,994-in a tam zawk.

Taxation department-in thla tina chhiah an hmuh (monthly achievement) zat an tarlan danin, sorkar kum kal meka thla hmasa ber April 2024 khan chhiah Rs 1,65,01,97,183 an hmu a, May thlaah Rs 81,09,10,407 leh June thlaah Rs 80,92,89,838 an hmu leh a; thla thum, April-June chhunga chhiah an hmuh zat chu Rs 3,27,03,97,428 a ni.

Kumin April-June chhunga Taxation department-in chhiah an hmuh Rs 3,27,03,97,428 hi financial year hmasa 2023-24 chhunga first quarter (April-June 2023) chhunga an hmuh Rs 3,07,09,62,356 aiin Rs 19,94,35,072-in a tam zawk.

Taxation department-in kumin April-June chhunga chhiah an hmuh Rs 3,27,03,97,428 zinga Rs 2,87,33,83,784 chu Goods and Services Tax (GST) aṭanga hmuh a ni a, chhiah hmuh zawng zawng aṭangin 87.86% a tling.

Sales tax aṭangin Rs 37,65,35,559 (11.51%), profession tax aṭangin Rs 2,04,24,135 (0.62%), entertainment tax aṭangin Rs 10,000 (0.0003%) leh thil dang aṭangin Rs 43,950 (0.0013%) hmuh a ni bawk.