International Yoga Day

Khawel hmun dang rualin nimin khan Mizo-ram hmun hrang hrangah International Yoga Day hman a ni a, a hmanna pui ber Aizawla Lammualah chuan Governor Lt.Gen. Nirbhay Sharma hoa hman a ni.

Governor chuan, Mizoram mipuite chu hriselna kawngah tun aia nasa zawkin inzirtirna lamah ṭan la se a duh thu sawiin, "Infiammi ni lo tan pawh awlsam taka tih ve theih. Yoga hi insâwizawina chi khat, hriselna kawnga mihring taksa nasa taka pui theitu a ni. Yoga hi excercise thianghlim, sakhuana thil vanga hlauhthawnawm a ni lo a, khawvel ram hrang 200 chuangah sakhaw hrang hrang vuantute'n an phûrpui mek a ni," a ti.

Lammualah hian Assam Riffles, BSF, CRPF, Armed Forces, Central YMA, NIT, NSS, NCC leh AYUSH aṭangin mi eng emaw zat an tel niin sorkar thuchhuah chuan a tarlang a; Yoga hmangin insâwizawina hun an hmang nghal a ni.