MPF-in an kum 10 tlin an lawm
Mizoram People Forum (MPF) chuan nimin khan Vanapa Hall-ah an kum 10 tlin (Tin jubilee) an lawm a; hmun hrang hrang aṭangin MPF-a hruaitu
ṭhahnem tak an tel.
MPF tin jubilee lawm-na inkhawm hi vice president Rev. B Sang-thanga'n a kaihruai a; Aizawl bishop Most Rev. Stephen Rotluanga'n MPF chanchin ziahna lehkhabu a tlangzarh.
General secretary Rev.Dr R Lalbiakmawia'n kum 10 chhunga MPF hmalakna leh hnathawh te, hlawhtlinna a hmuhte chanchin tlangpui a sawi a, secretary hlui Dr lalbiakmawia Ngente-in MPF chanchin tlangpui a sawi thung.
Inkhawmah hian Election Commission of Indfia, Central YMA, MUP, MHIP, Evangelical Church of Maraland (ECM), Roman Catholic, Evangelical Free Church of India (EFCI), Lairam Isua Krista Baptist Koh-hran (LIKBK), Mizoram Presbyterian Kohhran, Independent Church of India (ICI), Congress party, MNF, MPC leh ZNP aiawhte'n thu an sawi bawk.
MPC General Secre-tary-in report a pek danin, MPF hi kum 2006-ah din a ni a, president hma-sa ber chu Rev. Chan-chinmawia (L) a ni.
Tunah hian kohhran pasa-rih - Mizoram Pres-byterian Kohhran, ECM, LIKBK, Roman Catholic, ICI, EFCI leh Wesleyan Methodist kohhrante an tel mek a; tlawmngai pawl aṭangin YMA, MHIP, MUP, MTP, MChP, YLA, LWA, YCA, Mizoram Chakma SU, MBA leh MCMS-te an tel.
MPF hnuaiah hian Assembly constituency 28-ah constituency forum a awm a, local forum 450 vel a awm. LADC, MADC leh CADC huam chhungahte erawh chuan constituency forum awm loin, district forum leh local forum a awm.
MPF hian Mizoramah inthlan chi hrang hrang 20 a hmachhawn tawh a, inthlanahte chuan inthlanna zalen, thiang-hlim, dik leh felfai a awm theih nan hma an la
ṭhin. Kum 2008 Assembly inthlana an hmalakna avangin ZONET Cable TV chuan January 22, 2009 khan Zonet Award a hlan a; kum 2010-a AMC inthlana an hnathawh avangin Mizoram State Election Commission-in November 18, 2010-ah Best Electoral Practices Award a hlan tawh bawk.
MPF-ah hian Mizoram Synod Moderator apiang president an ni ṭhin a, tuna president ṭanglai chu Rev. H Lalrinmawia a ni.