Departmental Sport

Mamit Officer Club-te'n Mamit khawpui chhunga sorkar department hrang hrangte in pawhna ṭha zawk leh thawhhona ṭha zawk a awm theihna tur atana an buatsaih Inter Departmental Sport chu nimin khan DC Lalbiaksangi'n a hawng.

Inter Departmental Sport chhung hian department hrang hrangte chu mipuite tana dawr theih reng tur leh hna khaihlak lo tura ruahmanna kalpui a ni a, zingkar leh tlai dar 3 hnu lamah infiamna hrang hrang hi neih ṭhin a ni ang.

Sports hi June 30 a zawh tura ruahman a ni a, group riatah inṭhenin department hrang hrang 39 an tel.