Lunglei police-te hriselna endik

Healthy Lunglei District buatsaihin nimin khan Lunglei SP Conference Hall-ah Lunglei District Executive Force (police)-te pualin natna inkai chhàwn theih loh (non communicable disease) chungchang inzirtirna awareness campaign buatsaih a ni a, police-te hriselna dinhmun endik a ni.

Campaign hawnna inkhawmah Lunglei SP J Lalmuankima chuan, Healthy Lunglei District-in police-te tana hrilselna lam inzirtirna leh inentirna an buatsaih chu an lawm thu a sawi a, "Kan ni tin nunphung, khawsak phung, kan ei leh in bakah, a ruka kan hriat loh aṭangtein NCD kai theih a ni," tiin, police-te chu inenkawl uluk turin a chah.

Inkhawmah hian Lunglei additional DC James Miahlung, Sub-Committee on NCD Awareness Campaign & Screening Drive Lunglei chairman pawhin thu a sawi a; Dr Vanlallawma Khiangte, Lunglei Civil Hospital-in NCD chungchang a sawifiah.

Awareness campaign-ah hian Lunglei police mi 88-te hriselna dinhmun enfiah a ni.