YMA leh AR-in heroin an man

YMA, Chawngtlai Branch member, Central YMA Short Film Competition atana film shooting neite chuan July 17, Nilaini khan scooty pakhat aṭangin heroin hawng 20 an man a, scooty-a chuang mi pahnih, Champhai district-a Ngur khua, kum 17 nia insawite pawh man telin, Khawzawl police hnenah an hlan.

Assam Rifles sipaite pawhin July 17 khan Melbuk huam chhungah Ṭhuampui, Aizawl mi nia insawi mi pakhat hnen aṭangin heroin (no. 4) gram 26 an man a, Rs 18,20,000 hû a ni. July 17 vek khan Melbuk huam chhungah tho Sialhawk khaw mi nia insawi mi pakhat hnen aṭangin heroin gram 12 an man bawk a, Rs 8,40,000 hu a ni.