Minister-in gospel camping tlawh

Minister of state Lalnghinglova Hmar chuan July 17, Nilaini zan khan a bial chhunga KṬP, Tuikual North Branch-in an huam chhunga ruihhlo ngaite puala camping an buatsaih a tlawh a; cam­ping chu tisa leh thlaraua damna channa hmun a nih theih nan camper-te duhsakna a hlan.

Minister chuan, ruih­hlo ngai tiin mi dangin an lo en hrang deuh a nih pawhin thu­awih leh ṭhat duh vanga mualpho huama camping an lut chu fakawm a tih thu sawiin, beidawng loa a tawp thlenga Pathiana beiseina nei tlat turin a chah bawk.