MNYF-in dâwta an ngaihte an hâl

Mizo National Youth Front (MNYF) chuan nimin khan Vanapa Hall kawtah ZPM sorkar hotute'n dâwt an sawi nia an hriat chi hrang hrang 100 an hâl.

MNYF president Robert Romawia Royte chuan, an hun hman chu mimal huat vang leh intihmualpho tumna lam a ni lo niin a sawi a, "Dâwt sawite hi kan hnam leh sakhuana tan a ṭhat loh avangin dâwt duh loh lantirna hi siam kan ni. Kan sorkar hotute pawhin insiamṭhat nan hmang se, keini MNF party ngei pawh hian insiamṭhatna bul ṭan nan he dâwt hâl programme hi i hmang ṭangkai ang u," a ti.

MNYF Vice President chuan, dâwt hâl turte a sawifiah a; dâwt 100 nia an hriatte chu a finfiahna document leh video an nei vek niin a sawi.