CM adviser-te chungchang Governor-in CS-ah a bawhzui

Mizoram sorkarin portfolio hrang neia Adviser to Chief Minister panga a ruat chu Indian Constitution Article 164(1A) kalh nia sawi a nih avangin Governor chuan Sr. PPS to Chief Secretary hnenah a ṭul anga hma la tura ngenna lehkha a thlen.

Adviser to CM ruat dan hi PC party chuan Constitution Article 164(1A) bawhchhiatna nia an ngaih avangin a ṭul anga hma la turin ziakin July 9, 2024 khan Governor an ngen a, Governor pawhin a bawhzui a ni. Additional Secretary to Governor chuan July 18, 2024 khan Sr. PPS to Chief Secretary hnenah lehkha a thawn a; Governor duh dan angin a ṭul anga hma la turin a ngen a ni.