College-ah Eco-Herbal Garden siam

Mizoram Pollution Control Board leh Directorate of AYUSH hnuaia State Medicinal Plants Board-te chuan nimin khan J Thankima College campus, Durtlangah Eco-Herbal Garden an din ṭan a, J Thankima College Eco-Club member-te chu ramhmul damdawi ṭhatna zirtirna hun hman a ni.

Eco-Herbal Garden-ah hian ramhmul damdawi chi hrang hrang - Neem, Tejpatta, Sunhlu, Aloe Vera, Kumtluang, Rûnhmui, Archangkáwm leh a dangte phun a ni a; J Thankima College Eco-Club-in an enkawl zui dawn a ni.

Nimina bul ṭannaah hian resource person Dr Lalrammuana Sailo, State Medicinal Plants Board consultant chuan ramhmul damdawi atana hman chi thlai leh thing hrang hrangte natna enkawlna atana an ṭhatna leh hlutnate a sawifiah.

Eco-Herbal Garden hi Ministry of Environment, Forests & Climate Change bultuma din niin, Environment Education Programme hnuaiah kalpui a ni.