Dy Speaker-in kawng siam a enfiah

Assembly deputy speaker Lalfamkima, Kolasib bialtu MLA chuan nimin khan Kolasib-Sairang inkar kawng National Highway-54/6 thawm ṭhat hna thawh mek a enfiah a; NHIDCL hotute leh contractor-te chu chak zawka hna thawk turin a chah.

Lalfamkima hian NHIDCL executive engineer leh contractor-te chu an hmanraw hman leh an harsatna tawhte a zawt a; hna thawktute chuan, ruahtui leh leimin ṭhin chu an harsatna ber a nih thu te, lung chang ṭha hmuh mai tur a awm loh ṭhin avangin an hnathawh tam takin a daih rei theih loh phah thute an sawi.

Kawng siamtute harsatna tawh chu thil awm thei a nih thu sawiin Deputy Speaker chuan, "Mizoram châk lâkna ber kawng pawimawh a nih avangin mipui mamawhna hriain theihtawpin ṭan la leh zual ang che u," a ti.