Zirtiri RSC-ah dan thar inzirtir

Mizoram State Legal Services Authority (MSLSA) chuan nimin khan Zirtiri Residential Science College-ah criminal law thar pathum inzirtirna hun an buatsaih a, Gauhati High Court judge Justice Michael Zothankhuma, MSLSA executive chairman-in a hmanpui.

Justice Michael Zothankhuma chuan, zirlaite chu criminal law thar pathum - Bharatiya Nyaya Sanhita (IPC thlaktu), Bharatiya Nagarik Suraksha Sanhita (CrPC thlaktu) leh Bharatiya Sakshya Adhiniyam (Evidence Act thlaktu) leh dan dangte hriat chian tum tur leh dan ngai pawimawh turin a chah a, "Dan hriat loh hi chhuanlam a tling lo," a ti.

Inzirtirnaah hian Aizawl additional district & session judge Julie Lalrinzami'n dan thar pathumte a sawifiah a; zawhna leh chhanna hun hman a ni.