Sakei chêk hlumtu Zadingi a thi

Kum 1978-a ram­hnuaia mahni chauha sakei chêk hlumtu Zadingi (72) w/o PC Lalthanmawia (L), Buarpui, Lunglei district chu nimin chhun dar 12:25 khan a thi a, vawiinah vui a ni ang.

Thu dawn danin, nau thla 3 mi a pai laiin Zadingi hian July 3, 1978 khan ramhnuaia thing a phurhnaah amah beih tumtu sakei chu hreipui hmangin a chêk hlum a; a huaisenna avangin India President chuan kum 1980 khan Shaurya Chakra a hlan a ni. Shaurya Chakra hian sumfai thla tina dawn turin a keng a, tuna a ken zat chu thla tin Rs 6,000 a nia thu dawn a ni. 

Zadingi leh sakei inbeih chanchin hi sikul zirlaibuah telh ṭhin a ni bawk.