Pawl 10-in thisen unit 427 an pe

July 20, Inrinni khan Mizoramah pawl sawmin thisen unit 427 an pe. Aizawl Area ṬKP bultumin Republic Vengthlang Bialin ZMC tan thisen unit 150 pein, petute mipa 118 leh hmeichhia 32 an ni a; Mission Vengthlang Bialin Synod Hospital tan unit 54 pein, petute mipa 45 leh hmeichhia pakua an ni.

Civil Hospital Aizawl tan City PYD (NEI)-in unit 50 pein, petute mipa 45 leh hmeichhia panga an ni a; Mizoram PYD, Chaltlang Bialin unit 28 leh Zemabawk Bialin unit 8 an pe. Biate Higher Secondary School NSS-in unit 6 an pe bawk.

KṬP, Lunglei Venglaiin Lunglei Civil Hospital tan unit 28 pein, petute mipa 24 leh hmeichhia pali an ni a; KṬP, Serchhip Bialin Serchhip Hospital tan unit 23 an pe a, petute mipa 21 leh hmeichhia pahnih an ni. SAY, Tuichangralte'n Champhai District Hospital tan unit 56 pein, petute mipa 49 leh hmeichhia pasarih an ni a; ṬKP, Lawngtlai Bazar Unit-in District Hospital tan unit 24 an pe a, petute mipa 16 leh hmeichhia pariat an ni.