CWM moderator atan Rev. DC Haia thlang

Council for World Mission (CWM)-in Jeju Islands, South Korea-a Assembly an hman mekah, Rev. DC Haia Darnei chu kum 2016-2020 chhunga moderator atan an thlang. Rev. DC Haia hi Mizo zingah mai pawh ni loin, India leh South Asia biala CWM-a dinhmun sang ber chelh thei hmasa ber a ni.

Rev. DC Haia hi Pres-byterian Church of India (PCI) hnuaia Biateram Synod-ah Executive Se-cre-tary a ni mek a, PCI Moderator kal chhuak a ni bawk. Yavatmal, Pune-a Union Biblical Seminary-ah Bachelor of Divinity a zir chhuak a, Master of Theology chu Bishop College, Kolkata-ah a zir thung.

CWM hi kum 1977 khan mission lama khawvel puma kohhran hrang hrangte thawhhona tura din a ni a; khawvel pum hi rawngbawlna atan region pasarihah ṭhen-in, India hi South Asia region-a awm. South Asia region-ah hian Church of North India, Church of South India, Presbyterian Church of India (PCI) leh Church of Bangladesh-te chu member an ni.

CWM Assembly hmang hian PCI aiawhin Mizoram Synod aṭang-in Rev. Lalramliana Pachuau, senior executive secretary pawh a kal a, ani hi Nomination Committee member a ni.