Chaltlang leh Durtlang khâm Protected area-ah puan a ni

Aizawla Chanmari leh Chaltlang inkar kawngpui kam leh Bawngkawn leh Leitan inkar kawng kamte chu humhalh bik, 'protected area' ah puan a ni.

UDPA secretary Dr C Vanlalramsanga chuan June 20, 2016 khan notification a chhuah a, notification-a tarlan dan chuan, 'Master Plan for Aizawl: Vision 2030' chhunga Section 12.7-a inziak angin, Aizawl khaw-pui leilung mawina venhim leh vawn ṭhat nan Mizoram Gover-nor-in Chanmari-Chaltlang leh Bawngkawn-Leitan kawngpui kam leh khâmte ch Protected Area-ah a puang a ni.

Notification-in a sawi dan chuan, Chanmari-Chaltlang inkar kawng kam, chhak lam leh thlang lamte chu phei zawngin (horizontal) ft. 50 leh sang zawngin (vertical) ft. 20 chu humhalh a ni. Bawngkawn-Leitan inkarah chu section pahnihah ṭhen a ni a; section 1 leh 2-te chu kawng aṭanga metre 200 huam chin chu protected area a ni.

Protected area huam chhungah hian in leh thil dang reng reng saka din phal a ni lo.