VHSNC-te tan training buatsaih

Nimin khan Saikuti Hall, Lungleiah ni hnih awh tur Village Health Sanitation and Nutrition Committee (VHSNC) training leh VHSNC member intuaitharna buatsaih a ni a, Health Services leh National Health Mission director Dr K Lalbiakzuala'n a hmanpui.

Dr K Lalbiakzuala chuan, ram changkang tehnaa pawimawh em em Infant Mortality Rate (IMR) tihniam turin mipuite'n mawhphurhna an nei ve tih hriain, sorkarin VHSNC leh ASHA a duan chhuah thu a sawi a; IMR tihniam turin VHSNC leh ASHA member-te chu nasa taka ṭan la turin a fuih.

Training-ah hian VHSNC nihna, mawhphurhna leh tih tur te, monitoring leh village health plan leh financial management (petty cash book maintenance)-te sawiho a ni.