ZOFISFED-in Khawmpui an hmang

Mizoram Cooperative Fish Farming, Marketing & Processing Federation (ZOFISFED) chuan, nimin khan Tourist Lodge, Chaltlangah General Assembly an hmang a, Cooperation minister Lalrinmawia Ralte-in a hmanpui.

Lalrinmawia Ralte chuan, cooperative society-te chu chak zawka kal tur chuan ṭhalaite chawk phûra an inpho lan thiam a pawimawh thu a sawi a, "Ram siamṭha turin ngaihtuahna hman thiam a ngai. Kan ramin a mamawh leh harsatnate siamṭhat dan ngaihtuah aia thil ṭangkai lo tak tak ngaihven kan chîn ṭhin hi sim a ṭul," a ti.

ZOFISFED inkhawm-pui hi Fisheries secretary Thlamuana leh registrar of cooperative societies Sangdingliana te pawhin an hman pui.

ZOFISFED hi kum 1998-ah din a ni a, primary society inziak lut 28 an awm mek. Fisheries department kaltlanga sorkar laipui hmalakna hrang hrang zingah marine fisheries, infrastructure and post harvest operations hnuai-ah ZOFISFED Ltd. chu lirthei, ice-box leh ice-plant leh sangha zawrhna hmunte ngaihtuahsak an ni.