Serchhip district-a bank-te dinhmun thlirho

Serchhip District Consultative Committee chuan nimin khan December 2015 aṭanga March 2016 inkara an district chhunga bank hrangte hnathawh
an thlirho.

Meeting kaihruaitu, Serchhip DC Dr. Lalrozama chuan, bank-te chu mipuite sum vawngtu leh sum leh paia hmasawn theihna tura ṭanpui theitute an nih avangin mipuiin an pan nasa tial tial dawn tih a sawi a, "Ram tan thil ṭangkai an ti nasa tawh hle. Mahse, sorkar aṭanga mipuite hamṭhatna tur bank kaltlanga tih ngaiah kan bank-te'n an target an la phâk lo ṭhin a, ṭan lak zual kan mamawhzia tilangtu a ni," a ti.

Meeting-a tarlan danin, Serchhip district-ah bank pathum - SBI, MRB leh MCAB ten branch an nei. Bank hrang hranga deposit tling khawm chu cheng nuai 15002.82 a ni a, chuta ṭang chuan mipuite hnena pûk chhuahtir chu cheng nuai 8817.25 a ni. Deposit neih zat aṭanga loan-a pek chhuah zat chu 58.77% a ni.

Bank hrang hrang aṭanga loan pûk mi 4,224 an awm a, a pûktute'n an ngaih-ven zui loh loan rulh ngai cheng nuai 500.12 a awm.