Remna Ni-a tel turin sáwm

Kumina Remna Ni a huhoa hmanna tura a bul tumtu Central YMA chuan thuhchhuah siamin, Remna Ni lawmnaah ṭha-hnemngai taka tel turin mipui an sáwm.

Remna Ni Celebration Organising Committee chuan, Remna Ni Mizoram hmun hrang hranga hman turah chawhma dar 10:30-ah programme ṭan vek turin a chah a, "Remna Ni pual hian zing dar 8-ah branch YMA information aṭangin 'Ro min relsak ang che' tih hla play vek ni se," an ti. Hla hi Mizorama YMA branch tinah an thawn chhuak a ni.

Remna Ni Celebration Organising Committee chuan, Remna Ni hlim taka hmang ṭheuh turin mi-puite duhsakna a hlan a; Remna Ni flag leh pledge-te pawh Remna Ni hmang tur zawng zawngte hnenah thawn vek a nih tur thu an tarlang.