Sorkar hnathawk sawn kualte chhuahtir nghal vat turin hriattir
Department of Personnel & Adminis-trative Reforms (DPAR) chuan tun hnai khan office memorandum chhuahin, administrative head, head of department leh office head (hotu)-te chu sorkar hnathawk transfer an nihin tikhawtlai loa chhuahtir nghal vat ṭhin turin a hriattir.
DPAR chuan, sorkar hnathawkte chu transfer an nihin mawhphurhna inhlan, sum inhlan, etc. a ngai a nih loh chuan transfer order chhuah aṭanga ni hnih chhung (working day)-a chhuahtir tur a nih thu a tarlang. Mawhphurhna inhlan, sum inhlan leh ṭul dang ngaite chu ni nga chhung (working day)-a chhuahtir tur a nih thu leh chhuahtir turin anmahni thlaktu tur nghah kher a ngaih loh thu a tarlang bawk.
Sorkar hnathawk sawn an niha harsatna a awm lohna atan leh mimal kuta innghah lutuk a nih lohna atan administrative head, head of department leh head of office-te chu thawktu awm sate'n hna thawh an thiam theihna tura zirtir tura tih an ni.
Sorkar hnathawk transfer an nihin emergency thil a nih loh chuan chawlh lak phal a ni lo a, sorkar hnathawk transfer an niha chhuak duh lote chungah disciplinary action lak tur a nih thu hriattirnaah tarlan a ni bawk.