Expo-ah Mizoram Horticulture pakhatna
International Agriculture & Horti Expo, 2024 chu nimin khan Pragati Maidan, New Delhi-ah khâr a ni a; horticulture lam thil nei ṭha ber thlannaah Mizoram Horticulture department chu pakhatna niin, lawmman an dawng.
Agriculture & Horti Expo-ah hian Mizoram Horticulture department chuan Mizorama thei leh thlai hrang hrang leh, thlai leh thei aṭanga thil siam chhuahte an pho chhuak a ni.
Horticulture minister Prof. Lalnilawma chuan, Expo-ah state hrang hrangte stall a fang kual a, stall nghaktute chu Mizoram tana hmasawnna awm theite a sawipui. Minister hi Horticulture secretary K Lalrinzuali, director CH Lalmuanpuia leh official dangte’n an ṭawiawm a ni.