Nurse-te tan training buatsaih
Mizoram Nursing Council (MNC) leh National Institute of Health & Family Welfare (NIHFW), New Delhi-te chuan nimin khan MNC training hall-ah 'Leadership in Infection Prevention & Control (IPC) for Nursing Professionals' tih hmangin zirhona an buatsaih a, Health & Family Welfare minister Lalrinpuii'n a hawng.
Training hawnna inkhawm hi MNC president Mary Ramte Pachuau, Nursing deputy director ni bawkin a kaihruai a, training vawi khatna niin, ni nga chhung a awh dawn. Training-a telte chu district 11-a nurse-te training pe chhâwngtu tur an ni.
Minister Lalrinpuii chuan, nurse hna chu hna zahawm leh damlote tana damna leh thlamuanna thlen thei a nih thu a sawi a; training-a telte chu an awmna district ṭheuha mi dangte zirtirtu tur an nih dawn avangin ṭha taka inzir turin a chah.