Ruihhlo do inzirtirna chungchanga Video/reels competition result puang

Working Committee on Ruihhlo Do, 2023-in high school chin chung lam zirlaite tana 'Video/Reels Competition on Drug Prevention' a buatsaih result chu nimin khan SAD conference hall-ah puan a ni a; Social Welfare, Tribal Affairs, Women & Child Development secretary Lalzarmawii'n hmanpuiin, 'Monitoring Apps epi.info for Ruihhlo Do' a tlangzarh.

Inkhawm hi SWTAWCD joint secretary Zonunthari'n a kaihruai a; khuallian Lalzarmawii chuan, Ruihhlo Do Committee hnuaia hma latu department leh pawl hrang hrangte'n awlsam taka hmalakna an inhriat pawh theihna turin Monitoring Apps epi.info for Ruihhlo Do ruahman a nih thu a sawi a, "Ṭangkai taka hmang a, a hun taka information pe ṭhin turin a kaihhnawih sorkar department leh pawlte ka ngen a ni," a ti a, mahni hmun ṭheuhah thâ thlah loa ruihhlo do turin mi tin a sáwm.