Aizawl dist.-ah vawk lak luh khap

Aizawl district bawrhsap Lalhriatpuia chuan nimin khan thupek chhuahin, Aizawl district-ah district pawn lam aṭanga vawk, vawksa leh vawksa aṭanga siam thilte lak luh khap a nih thu a puang. Thupek zâwm lote chu BNS Section 223 hmanga hrem theih an ni.

Lalhriatpuia chuan, BNSS, 2023 Section 163 (1)-in thuneihna a pek angin Aizawl district-ah vawk khuahkhirhna thupek tihchhuah a nih thu a tarlang a, "Aizawl district chhung khua leh khua emaw, veng leh veng emawa vawk inlakpawh tawn dawnin vawk hrisel ṭha chauh lak tur a ni," a ti a; vawk hri lenna hmun (infected area) aṭangin vawk lak luh leh lak chhuah khap a nih thu a tarlang.