Mizoram sorkarin MERC a din thar

Mizoram sorkar chuan The Electricity Act, 2023 Section 82 tlawhchhanin Mizoram Electricity Regulatory Commission (MERC) a din a, chairman lailawk atan Benjamin L Tlumtea a ruat nghal bawk.

MERC dinna leh chairman tur ruatna atana hriattirna chu July 19, 2024 khan tihchhuah a ni a, a taka MERC a kal ṭan hun tura ruat chu nimin (July 23) kha a ni.

MERC-a thawk turin Joint Electricity Regulatory Commission for Manipur and Mizoram-a thawk mek mi 15-te leh provisional employee/muster roll-te rin nghal a ni bawk.

Joint Electricity Regulatory Commission for Manipur and Mizoram hi hun rei tak chhung kalin, Manipur leh Mizorama electric tariff an lo bithliah tawh a; tunah chuan Mizoram leh Manipur hi an kal hrang dawn ta a ni. MERC-a chairman lailawk atana ruat Benjamin L Tlumtea hi Joint Electricity Regulatory Commission for Manipur and Mizoram-a member ni lai a ni.