MCAB hotute'n MADC nena MoU ziah tur duan an pawm

Mizoram Cooperative Apex Bank Ltd (MCAB) Board of Directors chu nimin khan an ṭhukhawm a; Mara Autonomous District Council nena memo-randum of understanding (MoU) duan an pawm.

MoU ziahna tur duan an pawm tak hmangin MADC hnuaia thawkte'n Apex Bank-ah personal loan, education loan leh housing loan-te bithliah chin awmin an la thei dawn a, MADC-a sum awmte chu Apex Bank kaltlang zela khawih a ni ang.

Ṭhutkhawmah hian Apex Bank hnuaia thawktu hrang hrang, Indian Institute of Banking Management, Guwahati kaltlanga promotion exam result-te pharha pawm a ni bawk.

Apex Bank hian sum kum 2024-25 chhunga first quarter (April-June 2024) chhungin loan cheng nuai 4,302.38 an pe chhuak a; deposit aṭanga loan pek chhuah (CD ratio) chu 79.78% a ni mek. Apex Bank hian branch 28 leh ATM booth 37 a nei mek a ni.