Minister-in a biala zirtirtute a kâwm

Minister of state Lalnghinglova Hmar chuan nimin khan a bial Aizawl West-II chhunga sorkar sikul zirtirtute Vaivakawn Cultural Centre cum Auditorium-ah a kâwm a; Aizawl West-II chhung mi, kumina Mizoram University under graduate final year exam-a topper-te hnenah lawmpuina a hlan.

Lalnghinglova Hmar chuan, zirtirtu hna chu hna zahawm leh pawimawh a nih thu sawiin, zirlaite nun kawng dik kawhhmuh turin hun vawn dik hmasak a ṭul thu a sawi a, "Zirlaite harsatna hriatpui tur leh an mamawh anga kaihruai tur chuan zirtirtute leh zirlaite'n hun an hmanho tam a pawimawh. Zirna-inte chu khawtlang, nu leh pa leh zirlaite tan pawha luh châkawm tura buatsaih a ṭul," a ti a; zirna tihmasawn tura thawh-pui zirtirtute a sáwm.

Minister chuan, Aizawl West-II biala MZU under graduate final year/semester exam-a ti ṭha chawimawina dawngte a lawmpui thu a sawi a; khua leh tui ṭangkai leh hmasawnna thlentu chher chhuak thei tura ṭhahnemngai taka thawk zel turin zirtirtute a fuih bawk.

Inkawmhonaah hian School Education director Lalsangliana pawh a tel a; Aizawl West-II constituency-a sorkar sikula zirtirtute'n an sikul dinhmun leh harsatnate an thlen a ni.