Sikul khâr tum an ṭhulh

School Education department-a Land and Building Protection Committee-in Chhiahtlang Middle School ram sahthlak a tum nia an hriat vanga vawiin aṭanga tiam chin awm loa sikul khâr an tum chu an ṭhulh.

Land and Building Protection Committee chuan thuchhuah siamin, Chhiahtlang M/S ram, School Education department hriatpui loa sahthlak tumna awm nia an hriat vanga February 2, 2015 aṭanga primary school aṭanga higher secondary school zawng zawng khâr an tum chu ṭhulh a nih thu an puang a; an ṭhulh chhan chu - Land Revenue & Settlement department-in Chhiahtlang M/S ram chu teh an tum tâk loh vang a nih thu an tarlang.