Grape wine hralhna turah inremna siam

Champhai Grape Grower Society (CGGS) chuan Radiant Manufacturer Pvt. Ltd., Guwahati nen inremna thuthlung an siam a, kum tin grape tui litre 3,60,000 an pe ṭhin dawn.

CGGS hruaitute chuan Inrinni khan Champhai Winery-ah thuthar theh­darhtute an kâwm a, Ra­diant Manufacturer nena an thawhdunna chugchang an sawifiah.

CGGS hruaitute sawi danin, inremna hi January 26, 2015-ah siam a ni a, kum hnih chhung atana tih a ni. A ṭul dan azirin inremna hi pawhsei theih a ni ang.

CGGS hruaitute chuan, Radiant Manu­facturer chu Vinho Poto Portwine siamtu an nih thu an sawi a, "Champhaiah Chamwine siam an tum a, hemi atan hian ruahmanna thui tak an kalpui tawh a ni," an ti.

CGGS hian nikum khan grape chíngtute hnen aṭangin grape hmin kg. khat Rs. 40-in an lei a; Radiant Manufacturer-te hnenah hian grape tui litre khat Rs. 50-a pek a ngaih dawn avangin, grape leina man chu nikum aia a tlakhniam a ngaih tur thu an sawi.