Kawnpuiah in pathum a kâng ral

Pathianni zan dar 8 vel khan Kawnpui Bangla Vengah in pathum - K Lalhmachhuana, Lal­hmingliana leh Lal­mangkima te in a kâng a, bungraw chuh hman lohin a kâng ral.

In kâng neitute zingah K Lalhmachhuana leh Lalmangkima te chuan an in chu mi dang an luahtir a, Lalhmingliana erawh chuan an chhungkuain an luah thung. Kawnpui V/C-II chuan nimin khan in kang sak ṭhat hnatlang an ko a, Lalhmingliana te chenna tur in an saksak. In dangte chu a neitute luah a nih loh avangin remchang hmasaah an saksak dawn a ni.

Hnatlangte thingpui inna senso atan bialtu MLA Hmingdailova Khiangte chuan Rs. 3,000 leh inchung tur rangva bundle li a pe a; kângmei tuarte ṭanpui nan 1st IR commandant C Lalzahngoa'n Rs. 10,000 a pek bakah, nimin tlai thleng khan pawl leh mimal aṭangin ṭanpuina Rs. 51,800 a lut tawh a ni.