DRDA hnathawh Lunglei press mite hrilfiah

Lunglei DRDA project director office chuan nimin khan an conference hall-ah Lungleia thuthar theh­darhtute pualin DRDA, Lunglei hnuaia hmalakna hrang hrangte inhrilhriatna hun an buatsaih.

Sensitization programme for media persons on RD department scheme-ah hian Lunglei DRDA project director Joseph Lalramsanga'n MGNREGS, IAY, SAJY leh IWMP an kalpui dante a sawi a, "MGNREGS hi Parliament Act nei a nih avangin a danglam bik a ni," a ti.

Joseph Lalramsanga sawi danin, Lunglei DRDA hian sorkar kum kal mek 2014-15 chhungin MGNREGS hnuaiah inhlawhna tur cheng nuai 1263 a hmu tawh a, ni 14 inhlawhna siam a ni tawh. Tun din­hmunah Lunglei district-job card nei mi 34,044 an awm a; Lunglei block-ah 16,395, Hnahthial block-ah 5,746, Lungsen block-ah 8,204 leh Bunghmun block-ah 3,669 an ni.

Inkhawma an sawi dan­in, Lunglei DRDA hnuaiah kum 2013-14 chhung­in mirethei insak ṭanpuina IAY hnuaiah in 914 sak a ni a; IWMP hnuaiah project 14 kalpui mek a ni.