Mi thattu mantute chawimawi

Aizawl South-I Area MUP-te chuan, January 9, 2015 zana Sangliansiama, Republic Vengte chhung­kua thattu, Laltlanchhuaha lo mantu Springfield Higher Secondary School zirlai mi palite hnenah nimin khan chawimawina thuziak leh pawisa an hlan.

Chawimawina in­khawm hi Republic Veng YMA Hall-ah neih a ni a; Aizawl South-I Area MUP senior adviser F Hrangzuala chuan, tleirawl zing­ah ṭhian chhan thih ngam khawpa huaisen an awm chu chhuanawm a tih a sawi a, Springfield HSS principal C Vanlalhruaia'n thu a sawi bawk. MUP-in zirlai an chawimawite hi Springfield HSS-a pawl 10 zirlai - Vanlalduhsaka, Francis Lalnunpuia, Vanlalfela leh Zomuankima te an ni.