Pseudoephedrine zirho

MHIP sub-head­quar­ters, Kolasib chuan nimin khan Diak­­kawna Synod Bookroom Con­­ference Hall-ah pseudoephedrine (metamphetamine) chung­chang zirhona an buatsaih a, Health minister Lal Thanzara'n a hmanpui.

Health Minister chuan, sum ngainatna leh awlsam taka sum lak luh duhna vangin mi ṭhenkhatin mi dangte tana chhiatna a thlen tur haider an awm ṭhin thu sawiin, "Hlâwkna ringawt ûma tlan kan awm ṭhin hi a pawi hle a ni," a ti a; khehpuam (pseudoephedrine) pawh ruihhlo siamna hmanrua a nih hre reng mah se, hausak thut duh vangin mi ṭhenkhatin an tawlh luih tlat thu a sawi.

Thisen pek sawng­bawlna senso lak chung­changah Lal Thanzara chuan, "A thlawna mi tlawmngaite thisen pek hralha sum la lut anga sawi chu thu dik lo hulhual a. Thisen unit khat sawngbawl leh tihthianghlimna senso hi Rs. 1,500 zel a ni a, NACO-in state tinte 25% chawi ve tura a phût avangin sorkarin harsatna a tâwk a, harsatna hi state lian zawkte pawhin an tawk ve tho a ni," a ti.

Lal Thanzara chuan, man tlawm zawka mipuiin damdawi an lei theihna turin Aizawl Civil Hospital-ah generic drug store siam tum a nih thu te, Mizoram puma Health sub-centre-te internet hmanga thlun zawma a nih tur thu te, a thlawna damdawi lei theihna turin CM’s Free Medicine Scheme kalpui a nih tur thu te, Kulikawna mental hospital sakna tur sum sanction a nih tawh thu te, doctor leh nurse ṭha­hnem tak lak belh a nih tur thute a sawi bawk.

Pseudoephedrine leh metamphetamine zir­honaah hian damdawi, ruih­hlo leh dan lama mi­thiamte'n thupui an sawi a ni.