CM Hawla'n Thentlang khelmual a hawng

Chief minister Lal Thanhawla chuan nimin khan Thentlang khel­mual laih thar a hawng a; Chhing­chhipa Sainik School panna kawng laih mek a enfiah bawk.

Thentlang khelmual hawnna inkhawmah Chief Minister chuan, mipuite chu mi dangte tana malsawmna nih tum turin a chah a, "Pathianin a duh taka a hnam thlante hi malsawm a duh a, chuvangin Zoram mipuite hi tihnuam tak leh thuâwih taka sorkar hmalakna hi taihmakna nen tih tak zeta kan lo chhan let a ngai a ni," a ti.

Lal Thanhawla chuan, sorkar flagship programme - NLUP chu Pathianin hmeithai, rethei leh pachhiate'n leirem an rah theihna tura Pathian malsawmna niin a sawi a; NLUP ṭanpuina dawngtute chu din chhuahpui ngei tum turin a chah a ni.

CM Lal Thanhawla hian Thentlang Games & Sports Association hnenah football leh volleyball hmanruate a pe a, MHIP hnenah thingpui no dawrzawn nga, V/C leh YMA hnenah tarpauline bundle khat ve ve a pe bawk.

Chief minister hian nimin vek khan Chhingchhipa Sainik School panna kawng leh Aizawl-Lunglei NH-54 kawngpui inpawhna zauh dan tur a enpui a; PWD chief engineer (Road) leh hotu dangte'n an ṭawiawm a, Chhingchhip V/C-te'n an lo enpui a ni.