Siahaah Pre-PLCP FY 2025-26 sawiho

Siaha district bawrhsap VL Hruaizela Khiangte hoin nimin khan Pre Potential Linked Credit Plans for FY 2025-26 chungchang sawiho a ni a; Siaha district-a sorkar hotute leh bank aiawhte an tel.

Ṭhutkhawmah hian bank hrang hrang hotute chu loneitute'n a taka an hman ṭangkai theih tur project duan chungchang te, an thlai thar zawrh chhuahnaah harsatna awm loa an hralh chhuah theih nan te, an kum khat lak luh zat tihpun a nih theih nan leh mamawhtu dik takte'n a hun taka loan an hmuh theih nan ṭan la lehzual tura ngen an ni.

Sorkar department hotute pawh an hnuaia kut hnathawktuten hlawkna an hmuh ngei theihna tura hamṭhatna awmte mipui hrilhfiah lamah ṭan la lehzual tura chah an ni a; department dangte nen thawhhona ṭha (convergence) nei zel tura ngen an ni bawk.