Tuialhthei man a tlahniam

Sorkar laipui chuan February 3, Thawhlehni zan zanlai aṭang khan India ram pumah tuialhthei man a tihniam. Mizoramah pawh nimin zinga pump an hawn aṭangin a man tharin an hralh chhuak nia thu dawn a ni a; Aizawlah chuan petrol litre khat Rs. 55.39 leh diesel litre khat Rs. 45.36 a ni.

Tuialhthei man tihhniam leh a nih chhan hi ram dang aṭanga tuialhthei thlitfim loh leina man a tlakhniam vang a ni a; India Oil Corporation chuan Mizorama pump-te'n petrol leh diesel an hralhna zat tur nimin zing khan Supply department a rawn hrilh a, Supply department pawhin nimin tlai khan tuialhthei man thar turah hriattirna a chhuah ve leh nghal bawk.