Mipuite'n gas bûk tling lo an la duh lo

Ferbruary 3, 2015-a Mamit Field Veng a gas sem chu an zân hlawm avangin mipuite'n an la duh lo. Gas phurtu truck NL-08 A-5148 khalhtu Salim Uddin chu police kuta hlan a ni.

Mamit aṭanga thu dawn danin, Salim Uddin hian Mamita gas sem turte chu Mualkhang Bottling Plant aṭangin January 31, 2015-ah a phur chhuak a, February 3 tlai khan Mamit a thlenpui chauh a ni. Gas hi Field Vengah sem a ni a, mahse a zâng berah kg. 29.5 tling tur a nih laiin, kg. 26 vel chauh a nih hlawm avangin mipuite'n an la duh lo a ni.

Mipuite chuan driver chu an dâwp a, a hnuah gas a tihchingpenna hmanruate an hmuh avangin, Mamit police kutah an hlan ta a ni.