Headmaster lakah FIR thehlut

MZP sub-headquarters, Tlabung chuan Khojoysury khuaa RMSA School headmaster Santijibon Chakma lakah HSLC Examination 2015 atana form fill-up danah dik lo takin thil a tia an hriat avangin Police-ah FIR an thehlut.

Tlabung MZP chuan, March 4, 2015 aṭanga HSLC exam neih tura form fill-up naah Khojoysury RMSA School headmaster chuan dan loin kum 2014 session-a Modern High School-a Class-IX zirlai (roll no. 30) Shyamala Chakma d/o Brigo Dhar Chakma chu exam form a fill-up tir niin an tarlang a; hei vang hian Tlabung Police Station-ah Tlabung MZP president P Vanlallawma hmingin FIR an thehlût a ni.

Tlabung MZP chuan, Khojoysury RMSA School headmaster Santijibon Chakma chu headmaster ni zui tlâka an ngaih loh thu leh a hna aṭanga báng tura an phût thu an sawi a; a phu tâwka hrem turin thuneitute an ngen bawk.