Darzokaiah lei dawh tan

Chhimtuipui lui Darzokaiah nimin khan ṭhál chhunga hman tur lei dawh hna thawh ṭan a ni. Lei dawhnaah hian Chhimtuipui lui chhak lama khuate hnatlangin an inthawh chhâwk dawn a ni.

Thu dawn danin, lei dawhna hmun hi tuna lei dawh mekna chhakah a ni a, February 3 khan JCB-in a panna tur kawng a siam zo a, nimin aṭang khan hnatlangin lei dawh hna an thawk ṭan a ni. Lungpuitlang leh New Kawnpui khuate'n February 2 khan lei dawhna tur thing, mau leh thil dangte an lakhawm a, February 3 khan Darzo khaw mipuite hnatlang ve lehin, mi 200 vel an thawk chhuak.

Lei hi naktukah zawh fel tum a ni a; zawh a nih hunah chuan 407 truck (MMV) rit phur chinin an zawh thei ang a, kumin May thla thleng hman theih beisei a ni.