Khawthlir
BSF DIG thar
Mizoram sector-a Border Security Force (BSF) DIG thar, Brig. UPS Pathania chuan nimin khan a hna thar a zawm. UPS Pathania hian nimin khan DIG kal chhuak UM Subramani hnen aṭangin mawhphurhna a la a ni.
Vote thlak hun
State Election Commission chuan Chakma Autonomous District Council chhunga February 25, 2015-a village council inthlan turah vote thlak hun chhung tur chu zing dar 7 aṭanga tlai 4 a nih thu a puang.
In kâng ral
February 4 tlai dar 6:30 vel khan Champhai Vengthara C Rovuana in, Assam type chu bungraw chuh hman awm loin a kâng ral a, thi leh hliam an awm lo. In hi chhawng hnih a ni a, in leh bungrua kal ralte chu Rs. 2,50,000 vel hûa ngaih a ni. Chamohai Vengthar YMA-te chuan nimin khan kângmei tuartute chhawmdawl hna an thawk a ni.
Ruai buatsaihsak
Lawngtlai Bazar Presbyterian Kohhran Pavalai Pawl chuan February 4 khan an din champha vawi 8-na pualin Lawngtlai District Hospital-a damlo leh damlo awmpuitute tan ruai an buatsaih. Lawngtlai Hospital-ah hian khum 30 a awm a, Pavalai Pawl ruai buatsaih ṭhehtute hi damlo mipa 22 leh hmeichhia pali bakah, anmahni awmpuitu leh damdawi-ina thawkte, an vaiin mi 50 vel an ni.
MTKP Rorel
Mizoram Ṭhalai Kristian Pawl (MṬKP) Rorel vawi 61-na chu nimin khan BCM Rahsi Veng biak-inah neih a ni. Rorelah hian agenda 33 chhawp chhuah a ni a; zuin khawtlang, chhungkua leh mimal tin a tihchhiat dan inzirtirna beihpui thlak an rel a ni.
NABARD seminar
NABARD Consultancy Services leh sorkar laipui Finance Ministry-a Department of Economic Affairs hnuaia Forward Markets Commission-te chuan nimin aṭang khan NABARD office, Aizawl-ah 'Commodity futures market and its relevance to farmers' tih thupui zirhona an buatsaih a; MZU leh PUC zirlaite an tel.