Rukbote'n an chhungte an bia

February 2 zing dar 8:30 vela Mamit district aṭanga Bru hel pawl nia hriatte'n an rûkbo zinga pakhat zawk, Mohammed Buizul Islam @ Thangchhuaka/Zoluta chuan a nupui Rothangi, Ramthar Veng, Aizawl chu telephone-in a bia a, an dam thu leh ngaihtuahawm an nih loh thu a hrilh.

Mamit SP C Lalnunmawia leh Rothangi te sawi danin, Zoluta hian a nupui hi February 4, Nilaini tlai dar 5:18 leh nimin chawhma dar 10:10 khan a bia a; an dam thu a sawi bakah hian, anmahni rubotute chuan tlanchhuahna sum an phût dawn tih a hrilh.

Hetih lai hian, mi pahnih rubotute hian nimin tlai thleng khan tlanchhuahna (ransom) atana an phûtte chu rukbo chhungte leh BRTF hotute an la hriattir lo a ni.