Milt Cryopreservation Technology zirho
Nimin khan Tourist Lodge, Chaltlangah Milt Cryopreservation Technology zirhona ṭan a ni a, Fisheries minister Dr BD Chakma-in a hawng.
Dr BD Chakma chuan, reservoir fisheries aṭangin sorkar revenue-ah cheng nuai 30 chhûn luh a nih thu sawiin, "Mi 300 chuangin hna an hmuh phah tawh a. Chhungkaw 12,000 velin sangha dil an enkawl a, cage culture leh reservoir fisheries hi Serlui-B tuikhuahah hlawhtling taka kalpui niin, chhungkaw tam takin eizawnna ngêlnghet an neih theih phah a ni," a ti.
NLUP chungchang sawiin, BD Chakma chuan, Fisheries department hnuaiah NLUP thawh khatnaah mi 1,449 am awm a, thawh hnihnaah mi 1,131 leh thawh thumnaah mi 1,051 an awm tuh a sawi a; NLUP atan hian cheng vbc. 27 chuang hman a nih tawh thu a sawi bawk.
Milt Cryopreservation Technology zirhona hi ni thum chhung neih tur a ni a, Central Institute of Fisheries Education, Mumbai aṭangin Fish Genetics & Biotechnology-a HoD Dr Gopal Krishna leh mithiam dangte'n thil pawimawhte an hrilhfiah a ni.