MPCC-in BJP hotute thusawi an dem

Congress party chuan thuchhuah siamin, Delhi Assembly inthlan campaign-naah BJP hruaitute'n India hmarchhaka chengte duh loh zawng thu an sawi nasa hle niin an tarlang a; BJP hotute thusawite chu an dem tak zet thu an sawi.

MPCC chuan, Delhi inthlanna neih tura BJP manifesto-ah India hmarchhaka chêng, Delhi-a awmte chu ram dang aṭanga pêm lut, 'immigrants' tia ziah a nih thu an sawi a, "Hei hi Assam-ah phei chuan an la na hle a, opposition party-te leh zirlai pawl lian AASU ten na takin an dem a ni," an ti.

Prime minister Narendra Modi-a'n Delhi-a a campaign-naa NDA sorkarin hmarchhak state-te a ngaihven thu a sawinaah, Assam, Mizoram leh Manipur-te pawh NDA sorkar hnuah a tlawh tawh angin an sawi niin an sawi a, "Assam leh Manipur chu tlawh pawh ni se, Mizoram hi kan PM thar hian a la rawn tlawh lo a ni," an ti.