Film & Television Institute dinna tur en

Mizorama Film & Television Institute dinna tura ram en turin sorkar laipui hnuaia din inspecting team chuan Aizawl an rawn tlawh a, February 4 khan Information & Public Relations minister Lal Thanzara chu a pisaah an kâwm.

Inspecting team-te chuan, film institute dinna hmun Mizoramin a neih theih dan kawng a awm leh awm loh hre chiang tura rawn kal an nih thu an sawi a; chutih rualin, Mizo ṭhalaite'n film siam an tuipui em tih hriat a pawimawh thu an sawi bawk.

IPR minister Lal Thanzara chuan, chief ninister-in ṭhalaite tan khawvel thar siam a phûrpui a, nasa taka hma lak a nih tawh thu leh, film siamna kawngah ṭhalaite tuihâlna an hriatpui thu a sawi.

Minister an hmuh zawhah inspecting team-te chuan CMO Conference Hall-ah Mizorama film siamtute leh Film Development Society hruaitute nen inkâwm bawk.

Inspecting team-te hi Satyajit Ray Film & Television Institute (SRFTI), Kolkata-a mite an ni a; SRFTI director Sanjaya Pattanayak-a'n a ho a ni.